سؤال وجواب في الافلييت

البوست دا طويل شويا وحاولت اجمع فيه كل الاسئلة اللي بتيجي علي بال اي حد عايز يبدء في مجال الافلييت.

س: يعني ايه افلييت ؟
ج: الافلييت هو التسويق بالعمولة من خلال الانترنت وبيتم عن طريق لينك خاص بيك يوجد به كود تتبع غير قابل للتكرار علشان يتتبع عدد زياراتك وعدد التحويلات التي تمت من خلالك ، وهو جزء وفرع من افرع التسويق الالكتروني.
======
س : انا حابب مجال الافلييت وعايز ابدء فيه بس مش عارف منين؟
ج: متحورش علي نفسك انت مش حابب حاجه انت سمعت انه فيه فلوس وشغل من البيت وكلام من دا فعايز تدوس فيه ، محدش بيعرف انه بيحب الحاجه ولا لاء غير لما بيجبرها ويعرف مساوئها وعيوبها.
======
س : انا مبتدء وسمعت عن مجال الافلييت وعايز ابدء فيه ؟
ج : من وجهة نظري المتواضعه لو انت معكش مونتور مينفعش تبدء في مجال التسويق الالكتروني بجزء الافلييت لازم قبل ما تدخل الافلييت تكون بتعرف تشتغل كويس في كل فروع التسويق الالكتروني الاخري، وتكون محترف احتراف كلي في ادارة الاعلانات علي اي ترافك سورس، لان مينفعش احنا بنتلكم في تراكنتج وكلوكينج وزون ايدي و سباي وحاجات تانيه كتير وانت متعرفش ان في حاجه اسمها Bing Ads مثلا او تيجي تسألني تعمل سعر الكليك في الفيس بوك للسعودية بكام ، او تيجي وتقولي ان دول الخليج مش موجودين علي الفيس بوك .
======

س : هل معني كدا ان مفيش حد دخل علي جزء الافلييت علي طول ونجح ؟
ج: لاء في ناس دخلت علي الافلييت علي طول، بس الناس دي بتتعب كتير جدا وبتفضل تخسر كتير جدا وقت وفلوس علشان يادوب تتعلم حاجه صغيره ، فمن الاول لو كان عنده خبرة قديمة في مجال التسويق الالكتروني كانت وفرت عليه سنين.

=====
س: هل المجال دا فيه كورسات علشان اتعلم ؟
ج: لو كنت قريت البوست اللي قبل دا علي طول كنت عرفت ان المجال فيه 3 اقسام وعلشان تنجح لازم تعرف انت عايز كورسات في اي فرع وقسم من اقسام الافلييت.
ولو هنتكلم في الكورسات العربي : (( الكورسات دي هتلاقيها علي اليويتوب))
- مجال الـ CPS موجود كورسات لاستاذ هاني حسين ، افهم الفكره الاساسية وطبق بدماغك ، هاني حسين من محبي دفع الوقت وانا من محبي شراء الوقت بالفلوس ، فممكن تاخد الفكره وتطقبها بدماغك وعلي مواقع تانيه مش شرط نفس المواقع اللي هو بيتكلم فيها.
- مجال الـ CPA موجود كورسين لـ سيمولايف و احمد الغانم .
- مجال الـ CPC معرفش هل ليه كورسات ولا لاء الحقيقه كعرب ، بس انت تقدر تتباع اخونا حسام الزاوي هو الجزء دا ملعبه.

وطبعا المفروض منك انك تطلع علي موقع Udemy وتدخل تتفرج علي كل كورسات الافلييت المجانيه الموجوده هناك لو كل كورس اخدت منه فكره صغيره وطريقة تفيكر هتلاقي نفسك بتتميز عن غيرك.

- نصيحة في الجزء دا : الكورسات الاجنبية واللي بيتم الشرح فيها الشغل علي المواقع الاجنبية والاستهداف الاجنبي ، مينفعش تطبقها علي السوق العربي زي ما هي لان طريقة تفكير العرب واهتمامتهم غير الاجنبي.

- نصيحة تانيه هنا : حاول بقدر الامكان انك تعرف كل صغيره وكبيرة عن الاعلانات في الفيس بوك ، ومتسبش اي جديد يطلع فيه غير وتجربه مره واتنين وتلاته بدون ما ترجع لحد تسأله جرب بنفسك واتعلم من اخطائك.

========
س : الكورسات دي اون لاين كلها مفيش حاجه اوف لاين علي الارض يعني؟
ج : لاء مفيش حد بيعمل كورسات اوف لاين في الافلييت، لانها فيها هدر كبير جدا جدا في الوقت ومهما كان المردود المادي لصاحبها لو بيقدم علم حقيقي مش هيجي 1 من 10 من دخله في الوقت اللي ضيعه في الكورس.
وعن نفسي كان ليا تجربة صغيره قبل رمضان علي طول عبارة عن ورك شوب 4 ايام متتالية ومفيش في النية اني اكررها تاني.
========

س : انا قدمت في الشركة ( X ) ورفضوني او لسه مقبلوش الطلب بتاعي اعمل ايه ؟
ج: خلينا نقول الاول ليه الشركات مش بتقبلك كمبتدء ، الشركات مش عايزه عدد في اللميون وخلاص يبقي موجود ، هي عايزه ناس تشتغل ومن طريقة اجابتك علي الاسئلة هما بيعرفوا انك فاهم ولا جاي لسه تهزر وتلعبوتجرب ، ونفس الشركة لو شايفينك مبتدء بس من اجابتك فهموا انك فاهم وعايز تشتغل هيقبلوك وهيخلوك تشتغل.

ثانيا بقي متوقفش نفسك علي حد او شركة ، شركة موافقتش بيك شوف غيرها وابدء معاها واغلط واتعلم وبعد كدا شوف انت عايز ترجع للشركة اللي كنت مقدم فيها الاول ولا لاء.
======
س: الميزانية المعقوله علشان ابدء بيها كام ؟
ج: السؤال دا كل ما هتسأله لواحد هتلاقي اجابته مختلفة عن التاني ، واللي بيقولك متحاج اقليا 2000 مش بيعجزك واللي بيقولك ممكن تبدء ب 200 مش بيحفذك علشان تبدء .
الفكره ان كل واحد بيكلمك من المستوي اللي هو وصله او مستوي تفيكره ، ومن وجهة نظري السؤال دا اكتر واحد يقدر يجاوبك عليه هو انت علي حسب انت عايز توصل لحد لفين في مدة قد ايه.
بس قبل ما تجاوب علي السؤال دا لنفسك لازم تكون عارف انه مشروع ومحتاج رأس مال ، ومفيش حاجه اسمها مجاني وشغل مجاني، صدقني لو اشتغلت مجاني حاليا عمرك ما هتعرف توصل لمستوي معقول.
===========
س : طيب انا معييش فلوس حاليا ولسه طالب ومسافر بره ومتغرب عند الناس وبكح تراب والدنيا جايه عليا ، مينفعش تقولي حاجه سهله ابدء بيها وبعد كدا اطور من نفسي وادفع علي شغلي ؟
ج: المجال دا مش مجالك وانا مش هعرف افيدك.
========
س : طيب انا ذاكرت كويس كل الكورسات اللي انت وغيرك رشحتوها ومعايا فلوس ابدء بس خايف اجرب واخسر اعمل ايه ؟
ج: طالما خايف يبقي تبعد عن المجال دا لانه لو انت تعرف المجال كويس هتعرف انه بطبيعته مجال مغامر ومحتاج مجازفة واكيد هتكون عارف ان كل اللي موجودين واللي انت بتسمع عنهم دا خسروا كتير اوي في الاول ومازالوا بيخسروا علي كل عرض جديد بيجربوا عليه.
- جرب واخسر واتعلم من غلطتك وجرب تاني هتنجح.
السباح العالمي اول مره نزل فيها البحر مكنش بيعرف يعوم.
- اعرف كويس ان اكتر واحد بيخسر هو اللي مبيجربش
=========
س: ايه افضل ترافك سورس اشتغل بيه وابدء بيه ؟
ج: مفيش حاجه اسمها كدا ، في حاجه اسمها انا متمكن في اي ترافك سورس ، ونوعية العرض دا هتنفع مع اي ترافك سورس ، هتعرف منين العرض دا يمشي مع الترافك سورس دا ولا لاء ، دي بتيجي من خبرتك الشخصية البحتة.

=========
س : هل انا محتاج اتعلم حاجات مساعده معايا علشان اعرف اشتغل ؟
ج: يفضل ايوه طبعا ، المفروض تكون بتعرف تتعامل مع الفوتشوب و لغة الـ html علي الاقل بتعرف تعدل مش شرط تكون محترف.
وبرضه لازم يكون عندك خلفية في التعامل مع الاستضافة وشراء الدومين والكلام دا

#رمضانك_افلييت 

تم كتابة هذا المقال علي الفيسبوك بتاريخ : June 2, 2017

Like

Love

Haha

Wow

Sad

Angry

اكبر من انه مجرد CPA

اكبر من انه مجرد CPA
===========

الصورة اللي في البوست دا بتوضحلك مجال الافلييت بيتقسم لايه علشان فيما بعد تعرف اي طريق انت حابب تمشي فيه لان كل طريق ليه ادواته وطريقة شغله.

الصورة دي والتقسيم دا هو وجهة نظري الشخصية عن المجال وتحتمل الخطأ اكثر من الصواب.

نبدء التفصيل :

=> اول قسم في مجال الافلييت وهو الـ CPS :
==============

وهو اختصار لكملة Cost per Sales ، يعني انت بتاخد نسبتك او المبلغ علي المبيعات وكلما كثرت مبيعات كثر ربحك.

والجزء دا الاساس في مجال الافلييت وصاحب الارض الثابتة ، وهو انك بتسوق لمنتجات سواء منتجات ملومسة او منتجات سوفت من خلال مواقع زي مثلا كليك بانك ، هوست جيترو ، امازون، علي اكسبريس ، جوميا ، سوق ، نمشي ، وادي ......الي اخره

* مميزات هذا القسم:
============

- الاكثر ربحا علي الاطلاق ، عكس ما كل الناس متخلية.
- الثبات النسبي في مجال معتمد اعتماد كلي علي الريسك.
- مفيش قلق من قفل حساباتك الاعلانية في الفيس بوك او غيره من البرامج الاعلانية، ولو اتقفلت سهل انك ترجعها تاني.
- بطئ التغيير في استراتيجبات العمل عليه، يعني اللي شغال من سنه زي اللي لسه شغال انهادره مع تغييرات بسيطه جدا تكاد تكون منعدمة.
- مش محتاج رأس مال كبير في البداية ، (وعلي حسب انت عايز توصل لفين.)

* عيوب هذا القسم:
==========

- دورة فلوسة بطيئة ، لان معظم الشركات بيبقي القبض فيها بعد 60 يوم.

=> القسم التاني وهو الـ CPA :
==================

وهو اختصار لكلمة cost per action يعني اي عمل الزائر بتاعتك بيعمله ، ممكن يكون الاكشن دا تحميل تطبيق موبايل ، تحميل بلاجن علي متصفح ، ملئ فورم مكونة من صفحة او اكثر ،التسجيل بايمل ، التسجل برقم تليفون .

وممكن نفرع منه اكتر من مجال فرعي زي ما هو واضح في الصورة، وعلشان تنحج في 2017 في المجال لازم عليك تختار فرع صغير من فروع الـ CPA وتشتغل عليه - ( النجاح هنا نسبي علي حسب مفهومك ووضعك ودماغك) - .

* مميزات هذا القسم :
============

- ثاني الافرع الاعلي ربحاً ، وليس الاول كما يعتقد الكثير.
- سرعة دورة رأس المال ، لو انت متمكن ممكن شركات تدفعلك اسبوعي ، وممكن دفع يومي كمان.
- طريقة العمل عليه ابسط واتفه مما تتخيل وكلمة السر تكمن في ( سرها في بسطتها)
- ممكن عرض واحد اوشهر واحد يشيل معاك السنة كلها.
- اكثرانواع العروض ربحا هي :
1- عروض الـ pin submit ، وهي انك تأخذ ربحك مقابل يقوم الزائر بوضع رقم جواله وتأكيده من خلال الرسالة التي تم ارساله له علي الموبايل ( مش بتكلم في حرمانه من عدمه)
2- عروض تحميل تطبيقات الموبايل
3- عروض الاستفتاء survey offers

* عيوب هذذا القسم:
===========

- محتاج رأس مال كبير.
- المخاطرة فيه تكاد تكون بنسبة 90 % ، ولا يوجد ثبات ابدا ممكن شهر تشتغل و5 مش شغال.
- ادواته ومستلزماته كتير، زي ادوات تجسس ، ادوات لاصناعة الاند بيدج ، شبكات ترافك خاصة ، برنامج التراكنج ......... الي اخره.
- لو هتشتغل مع الفيس بوك كمصدر زيارات حسابك الاعلاني هيتقفل بنسبة 80% .
- سرعة انتهاء العروض ، يعني ممكن تكون شغال علي عرض معين وبتجيب عليه تحويلات وتلاقي العرض وقف والميزانية الخاصة بالمعلن خلصت ، فانت لو معكش عرض تاني هتوقف شغل.
- محتاج يوميا تجرب جديد علي عروض جديده وعلي نفس العرض اللي انت شغال عليه، لانه جزء متطور ومتغيير بسرعه كبيرة، والطريقة اللي كانت شغاله معاك من شهر مش هتشتغل انهاردة.

الجزء الثالث :CPC و CPV :
================

وهو اختصار لـ cost per click و cost per view وفي رواية اخري cost per impression

والجزء دا ببساطة هو العمل علي شبكات مثل ادسنس او اليويتوب وغيره من المواقع اللي بتحاسبك علي النقرات علي الاعلانات عندك علي الموقع ، او علي المشاهدات .

* مميزات هذا القسم:
===========

- يوجد بيه جزء من الثبات النسبي ولكن الثبات في الـ CPS اقوي واكبر.
- مش محتاج رأس مال كبير في البداية .
- لا يوجد خطر علي حساباتك الاعلانية في الفيس بوك اوغيره.

* عيوب هذا القسم :
===========

- دورة رأس المال بطيئة.
- دفع عملة الوقت في هذا القسم كبير جدا.
- لو اعتمادك علي المحتوي الفيروسي ، فانت نسبة ربحك مرتفعه ، لو اعتمادك علي زيارات البحث من جوجل وخلافه فانت نسبة ربحك بطيئة وضعيفة.

- نهاية المقال اتمني اكون قدمتلكم معلومة واضحه وجديدة ، وعارف ان الكلام اللي فوق هيكون عكس اعتقادات ناس كتير في المجال ، لان اللي شغال CPA متخيل انه هو معاه الحصان الرابح ومتخوف انه يروح علي جزء الـ CPS وشايفه صعب لكن العكس هو الصحيح.

- واللي شغال الجزء الخاص بالـ CPS شايف ان مجال الـ CPA صعب ومحتاج وقت كتير وشايف انه الربح فيه اكتر لكنه خايف يدخل ويجربه، وبرضه دا علي عكس اعتقادته.

- واللي شغال في الـ CPC قاعد علي الشطئ بره وخايف يشمر بنطلونه وينزل الميه بالرغم من انه عارف انه في ربح كتير حوالين منه لكنه خايف علي اعتقاد انه هيسخر السمكة اللي هو لاقها علي الشط طالعه لوحدها.

- مش بنصح حد يروح في منطقة وجزء معين يشتغل عليه ويبدء فيه ، الحته دي بتاعتك انت ، انت لوحدك اللي هتبقي عارف انت هتنجح في ايه ، انا مش هقدر افيدك هنا، وعموما كل جزء من الاجزاء دي فيها ربح اكبر من متخيلاتك.

وعلشان تنجح صح وتعرف تجيب الارقام اللي بتسمع عنها لازم تركز في جزء صغير من الـ 3 اجزاء الافرع للمجال. (( وبرضه النجاح هنا نسبي ))

نقول تاني =D

(( الصورة دي والتقسيم دا هو وجهة نظري الشخصية عن المجال وتحتمل الخطأ اكثر من الصواب. ))

- لو عندك استفسارات الرجاء في الكومنات ممكن ناس ترد عليك احسن مني ، بلاش الرسايل لاني بنسبة كبيرة مش هقدر ارد عليك.
- متنساش تعمل شير علشان توصل للي عايز يتعلم ، وتابعنا علي الـ 2 هاش تاج دول.

#رمضانك_افلييت 

تم كتابة هذا المقال علي الفيسبوك بتاريخ : May 30, 2017

يا تدفع وقت يا تدفع فلوس

لو انت شغال اون لاين وخاصة في الافلييت لازم تعرف ان في طريقين للدفع.
1- انك تدفع وقت.
2- انك تدفع فلوس.

وانت لوحدك صاحب القرار هنا ، لكن خلينا نوضح اكتر .

1- يعني ايه تدفع وقت : انك تروح تعمل ويب سايت وتفضل تشتغل عليه SEO علشان يادوب تظهر في الصفحة الاولي وتفضل شغال من 5 الي 6 شهور علشان يظهر معاك اول ربح ، الميزة هنا انك بتكون شبه واثق ان في ارباح شهرية حتي لو قليله بس موجودة.

2- يعني ايه تدفع فلوس: يعني هتروح تشتري وقت واحد تاني انه يعملك لاند بيدج بسيطه ، وهتروح تشتري اعلانات في اي ترافك سورس، وهتطع فوق من اللي اختار انه يدفع وقت في النتايج وتاخد انت وش القفص وهو لسه بيعافر علشان يحصل علي مبيعه او كونفرجن واحد.

- احتمال كبير انك تخسر فلوسك بتاعت الاعلانات بس بتتعلم بيها انك متغلطتش نفس الغلط تاني ، ولما بتجرب بعدها مع تعديل الاخطاء بتلاقي الدنيا ظبطت معاك .

ولما نيجي نقارن في النهاية بين اللي دفع وقت واللي دفع فلوس
هنلاقي اللي اختار انه يدفع فلوس بيعمل في شهر واحد اكتر بكتير جدا من اللي اختار انه يدفع وقت بيعمله في سنه كاملة.

لكن مين صح ومين غلط ، النظره هنا نسبية وكل واحد ليه اعتقاداته وطريقته الخاصة في ادارة الامور والنظر ليها.

لكن في النهاية:

* نصحيتي ليك حاول بقدر الامكان انك متدفعش وقت ، ديما اللي بيدفع من وقته هو الخسران.

#رمضانك_افلييت

تم كتابة المقال علي الفيسبوك بتاريخ : May 29, 2017

شرح عمل اعلان علي الفيسبوك من خلال الباورد ايدتور power editor

شرح عمل اعلان علي الفيسبوك من خلال الباورد ايدتور power editor 

الشرح تم الاعتماد به علي الـ power editor  وخاص اكثر بطريقة العمل علي الافلييت و ادسنس اربيتراج affiliate marketing  and Adsense Arbitrage

كيفية عمل اعلان ممول علي الفيس بوك

طريقة عمل اعلان علي الفيس بوك .

نري كثير من الصور تظهر ارقام خرافية في الحملات الاعلانية علي الفيس بوك ، والكل يتسأل عن كيفية عمل حملة اعلانية علي الفيس بوك وتكون ناجحة وبصورة كبيرة ، سأحاول بقدر الامكان ان اتناول الشرح بطريقة مبسطه لعمل افضل الحملات الاعلانية علي الفيس بوك.

مثل هذه الصورة ، وهذه الصورة من احدي حملاتي الاعلانية في شهر يونيه لعام 2015




بدايتا لكي نتعلم طريقة عمل حملة اعلانية ناجحه علي الفيس بوك ، لابد من ان نتفهم جيداً طريقة عمل البرنامج الاعلاني للفيس بوك ، وهي التي تنقسم الي ثلاثة اقسام ، وهم "حملة اعلانية ، مجموعة اعلانية، اعلان" :

1-      حملة اعلانية campaign : وهنا انت فقط عليك تحديد الهدف من الحملة ، سواء كان زيارات للموقع ، او اعحاب بالصفحة، او ترويج للمنشور.


2-     مجموعة اعلانية Set  : وهنا انت تتحدد اولا  البلد التي انت هتستهدفها في اعلانك، ثم السن ثم النوع ، والي اخره من الشريحه المستهدفه الخاصة بيك، واهم خطوة في المجموعه الاعلانية هي الميزانية، وسعر المنافسة علي النقرة .

3-      الاعلان Ads  : وهنا انت فقط تختار المنشور او تضع الرابط والصورة الخاصة بالاعلان ، او اعجاب بالصفحة ، اي ان الاعلان هو اخر امر تفكر به اثناء عملك للحملة الاعلانية.

وعليك ان تعرف جيداُ انك بداخل الحملة الاعلانية الواحده تستطيع عمل اكتر من مجموعة اعلانية وكل مجموعة اعلانية ليها خصائصها وصفتها وبداخل المجموعة الاعلانية الواحده تستطيع عمل اكتر من اعلان ، ويفضل دائما انك تقوم بعمل اكثر من صورة واكثر من اعلان في المجموعة الاعلانية الواحده اقليا 3 صور وذلك لكي تعرف اي الاعلانات التي تتفاعل مع الجمهور.

- معظمنا يعلم ان هناك برنامجين مختلفين لعمل الاعلانات علي الفيس بوك الاول والاشهر والاكثر انتشاراُ هو Ads Manager والثاني والاقل استخدما ولكنه الاكثر احترافية وهو Power Editor  ،  ولكي تعمل حملة اعلانية ناجحة عليك استخدام الـ Power Editor  للامكانيات الكثيرة التي يوفرها لك اثناء إنشاء الحملة الاعلانية، وتستطيع الدخول علي البرنامج الاعلاني من خلال هذا الرابط.   https://www.facebook.com/ads/manage/powereditor/


اول خطوة واهمها انك بمجرد الدخل علي الباور ايدتور لابد وان تضغط علي رابط  Download to power editor وفي كل مرة تقوم بالدخول فيها الي البرنامج الاعلاني عليك تضغط علي نفس الرابط لكي تقوم بتحميل الحملات والتحديثات التي تمت في الحملات الاعلانية.

ثاني خطوة وهي انك سوف تضغط علي رابط Create Campaign ، وسوف تقوم بإختيار اسم خاص بك باسم الحملة ، عن نفسي مثلا عندما اقوم عمل حملة اقوم بتسميتها باسم الشركة  مثلا حملة عربي ادز شهر 12 ، حملة نمشي شهر 12 وهكذا ، ثم ستقوم بإختيار الهدف من الحلمة ، سواء زيارات للموقع وهذه افضلها في حالة العمل الـ CPA او في حالة انك تود زيادة الزيارات علي الموقع،  او إختيار ترويج للمنشور ، وبعدها ستقوم بالضغط علي كلمة Create .

ثالث خطوة ستضغط من الجانب الايسر علي كلمة Ad Set  ، ومنها ستختار Create Ad Set  ومن خلال CHOOSE A CAMPAIGN سوف تختار اسم الحملة التي تعمل عليها وتكتب اسم للمجموعة ويفضل ان الاسم يكون اسم العرض الذي تعمل عليه، مثلا عرض فوركس ماركتس 1 ، عرض فوركس ماركتس 2 ومن بعدها ستضغط علي كلمة Create  .

بعدها ستضهر لك الصورة القادمة والتي هي اهم عنصر في الحملات الاعلانية علي الفيس بوك




تبدء المجموعة الاعلانية بالميزانية التي ترغب الاستثمار بها،  ويمكنك ان تختار ان تكون الميزانية يومية او ميزانية المجموعة الاعلانية كاملة في مدة محددة، وبعدها سوف تختار المدة الزمنية للمجموعة الاعلانية.

- ثم ستقوم بإختيار البلد والاشخاص والسن وكافة التفاصيل التي ترغب في ظهور الاعلان اليها من خلال الـ Audience 






اهم نقاط هنا يجب مراعتها لكي تصل الي أرخص سعر في المجموعة الاعلانية ، يجب اختيار دولة واحدة في المجموعة الاعلانية، بمعني لو عندك عرض يشمل اكثر من دولة عليك ان تقوم بعمل مجموعة اعلانية مستقله لكل دولة بداخل الحملة الاعلانية الواحده، لان كل ما زاد عدد الدول في المجموعه الاعلانية الواحده  كل ما زاد عليك السعر النقرة، وكل ما تأخر الموافقه علي الاعلان.

في عروض الـ CPA  وخاصة عروض الالعاب وعروض الـ Pin Submit يفضل انك تختار سن صغير ، بالاضافة الي الاستغناء عن الاهتمامات حيث ان طبيعة هذه العروض تستدعي اكبر قدر ممكن من الزيارات ، لكن في عروض مثل  البيع والشراء او السيارات او السياحة او الفوركس ، يفضل اختيار المستهدفين بدقة من خلال Detailed Targeting ثم  Interests .


رابع خطوة : من خلال Placement ومن هنا عليك تحديد الاماكن التي تريد ان يظهر بها اعلانك ، سواء علي الصفحة الرئيسية للجولات او الكمبيوتر او علي الجانب الايمن او من خلال الانستجرام ، وهكذا .

خامس خطوة : وهي تحديد سعر النقرة التي ترغب ان تنافس بها وهي من خلال Optimization & Pricing وعند  كلمة Bid Amount سوف تختار كلمة Manual  وستقوم بتحديد سعر النقرة الذي تريد ان تنافس به ، مع التجربة ستعرف البلاد التي سعرها رخيص مثلا ب 0.01  والبلاد التي سعرها غالي مثلا ب 0.09 ,0.10  .


سادس خطوة : وهي الاعلان ذاته ، ومن المفترض ان تكون محدد اكتر من صورة شيقة وملفته للانتباه ، وعليك ان تنسي الالوان الفسفوريه في الصورة لان الفيس بوك اصبح يرفضها حاليا، سوف تعمل اكثر من اعلان داخل المجموعة الواحدة، صور مختلفة وصياغة كلامية مختلفة حتي تعرف اي من الاعلانات التي يتفاعل الجمهور معاها اكثر وعليك ان تعرف ان الفيس بوك عندما تعمل اكتر من اعلان داخل المجموعة الاعلانية الواحدة الفيس بوك سيقوم بعرض الاعلانات بالتساوي ، وبعد ذلك سيقوم بعرض الاعلانات التي تحصل علي نسبة مشاهدة ونقرات اعلي، فعليك ان تقوم بتوقيف الاعلانات التي ليس عليها تفاعل قوي وستترك التي عليها تفاعل اكثر ، وعليك ان تعرف ايضا كل ما تفاعل الجمهور اكثر مع اعلانك كل ما قل سعر النقرة التي تنافس بيها ، اي عليك ان تقوم بعمل صورة للاعلان جذابه بدرجة عاليه حتي تلاقي تفاعل اكثر مع الجمهور.

ومن هنا يمكنك ان تنشأ الاعلان





بعد ذلك ستظهر لك الصور التالية والتي من خلالها تستطيع انشاء الاعلانات ، الميزة هنا انك حين تقوم بإنشاء اعلان لزيادة الزيارات علي الموقع من خلال هذه الطريقة ان الاعلان لن يظهر علي الصفحة ولكن سيظهر فقط للاشخاص الذين انت قمت باستهدافهم من خلال المجموعة الاعلانية ، وهذه الطريقة جيده جدا في حالة الـ CPA حتي لا يستطيع احد ان يتتبع حملاتك حتي وان كان معجب بالصفحة .




عند الرقم (1) ستقوم بإختيار الصفحة  التي ستقوم بربط الاعلان بها ، عند الرقم ( 2 ) وهنا تقوم بإختيار ان يظهر اعلانك علي هيأة صورة واحدة او اكثر من صورة بحد اقصي 5 صور ، وعند الرقم ( 3 )  ستقوم بوضع الرابط الذي ترغب في التسويق اليه ، ومن ثم ستكمل البيانات المطلوبة من النص الذي ستكتبه حتي تقوم بتحفيذ الزوار بالنقر علي اعلانك ، وبعدها ستقوم بإختيار الصورة التي ترغب بوضعها علي الاعلان ومن ثم بعد ان تقوم بالانتهاء من الاعلان ستقوم بالنقر علي كلمة upload changes  ، بدون النقر علي كلمة upload changes لن يتم تفعيل الاعلان .

بهذا اكون قد انتهيت من الشرح ، اتنمي من الله ان اكون قمت بتبسيط الامور ، واذا كان لديك سؤال خاص بالاعلانات علي الفيس بوك ، الرجاء وضعه في التعليقات .

الـ CTR مش هو الدليل علي نجاح حملتك الاعلانية

الـ CTR مش هو الدليل علي نجاح حملتك الاعلانية

في الفترة الاخيرة بشوف ناس كتير من اللي شغاله في التسويق الالكتروني وخاصة في السوشيل ميديا Social Media  بنتزل صور كتير لحملات اعلانية علي الفيس بوك فيها نسبة الـ CTR  عالية واللي هي تعني (Click-through rate ) واللي معنها بالعربي نسبة النقر مقابل الظهور ، وبتتباهي انها بتوصل لنسبة CTR  عالية ممكن توصل مع ناس لنسبة 25 % ودي الحقيقة نسبة عاليه جداً والوصول ليها صعب شويا وليه اساليب كتير مختلفة.

ولكن حتي لو انت بتجيب نسبة الـ CTR  دي او اكتر منها وانت في النهاية مبتحققش ROI  عالي يبقي كدا انت رميت فلوس العميل علي الارض ، طب يعني ايه الكلام دا  ؟

نقول الاول ايه هو الـ ROI  وبعدين نكمل ، الـ ROI  هو اختصار لكلمة  "Return on investment " واللي هي معناها بالبلدي كدا ومن غير تعقيديات كتير (انت دفعت كام ورجعلك كام) .

طيب جميل ناخد مثال : انت دلوقت لو عامل حملة اعلانية ولو نفرض مثلا بقيمة 200 $ وبتروج بيها لمنتج بقيمة 20 $ وناس كتير جداً شافت الاعلان بتاعك واتفاعلت معاك علي الاعلان، بس اللي اشتري المنتج بتاعك دا من الاعلان دا هما 10 بس ، يبقي انت كدا عملت نسبة CTR  يتحاكي عنها التاريخ وصحابك علي الفيس بوك يفضلوا يصقفولك ويقولولك واو وعملتها ازاي دي والنبي قولنا علي الطريقة يا " تنين ".

لكن في النهاية نسبة ROI   عندك علي الاعلان دا بتساوي صفر كبير في الشهادة J والعميل دا مش هيشتغل معاك تاني، ليه بقي لان اللي اشتري منك هما 10 اشخاص بس و سعر المنتج 20$ يبقي انت كدا حَصيلت الدخل بتاعك هي الـ 200$ يبقي انت مكسبتش حاجه بالعكس كمان انت كدا خسرت الـ 200$ بتوع الحملة الاعلانية.

شايفك يا بتاع الـ inbound marketing   اللي بتقول انا كدا كسبت ان الناس عرفت بالمنتج بتاعي وسمعت وعملت branding  للمنتج وللشركة ، هرد عليك واقولك انت لو حابب تعمل branding للشركة و inbound marketing  يبقي في اعلان تاني غير اللي بتروج فيه للمنتج، تروح زي الشاطر وتعمل اعلان للبرندنج  وساعتها مش هقولك نسبة الـ ROI  كام لانها ساعتها مش بتتقاس بفلوس بتتقاس بسمعه ومدي وصولك للناس المهتمه بالمنتج بتاعك.

طيب يا عم فارس ايه اللي مفروض اعمله علشان اوصل لنسبة ROI  عاليه لما اعمل اعلان للمنتج بتاعي؟

حل الموضوع دا بسيط جدا وهو انك تحدد الشريحة المستهدفة باعلي دقه ، واهم حاجه تحددها في الشريحة المستهدفة دي هي مين صاحب قرار الشراء وتوجه الاعلان ليه، يعني ممكن انت تكون بتعمل اعلان لمنتج او خدمة المستهلك الرئيسي هم الرجال، بس صاحب قرار الشراء في المنتج دا هو النساء فخلي اعلانك يظهر بس للنساء، هتلاقي نسبة الـ CTR  بتاعتك منخفضة نوعا ما ولكن هتلاقي نسبة ROI  عالية وفي ارتفاع.

طيب نتكلم عن تجربة حصلت معايا في حملة اعلانية كنت بديرها في سنة 2010 علي الفيس بوك وطبعا وقتها مكنش في كل المعلومات اللي موجوده انهارده تقدر تستهدف بيها الناس او تعمل تحليل كافي عن مين صاحب قرار الشراء، وكانت الحملة المطلوب فيها الاتي:

المنتج : الترويج لعميات الضعف الجنسي وامراض الذكورة .

البلد المستهدفة : السعودية .

قيمة العملية : مبلغ كبير جدا كدا مش هينفع اقوله  J

طبعاً لما بدئنا الحملة الاعلانية حددنا الشريحة المستهدفة علي انها هتكون كالاتي:

الجنس : رجال

العمر: من 40 سنة الي 60 سنة ، -علي اساس ان دي الشريحة اللي احتمالية عندها ضعف جنسي- .

الميزانية اليومية  : ما يعادل قيمته 500 ريال يومياً.

وبدئنا الحملة الاعلانية ، وكانت النتائج مبهجة الصراحة بالنسبالي ، اول يوم كمية اتصال وحجز في الفورم كتير جداً ، ونسبة CTR  عالية جداً مع العلم ان الناس عارفة قيمة العملية.

ولكن بعد 3 يوم بدأ التفاعل يقل ، ومفيش ولا واحد عمل حجز للعملية  او حتي عمل كشف علي مدار الـ 3 ايام للحملة.

اقترحنا كالعادة اننا نزود الميزانية وزادت معانا لحد ما وصلت لقيمة 1500 ريال يومياً، وغيرت شويا في العمر الخاص بالشريحة ونزلت العمر لسن الـ 35 سنة وبعدها لـ 30 سنة، ولكن نفس المشكلة موجوده وهي ان نسبة الـ ROI  بالسالب J ونسبة الـ CTR  في ارتفاع  L.

وقفت الحملة بعد اسبوع منعاً لاستنذاف اموال اكتر من كدا، وبدأت ابحث ايه اللي ممكن يكون غلط، بعد تفكير عميق اللمبه نورت واستكشفت حاجة مهمة جداً وهي اننا كراجال عرب مبنحبش نعترف اننا عندنا عجز جنسي، لانه يعتبر اهانة للراجل انه يعترف انه عنده ضعف جنسي ، فأخدت قرار اني اعمل حملة اعلانية تانيه، بس المرادي هوجه الاعلان بتاعي للنساء ، لانها هي اللي هنا اللي صاحبة قرار الشراء وهي اللي هتأثر علي الراجل انه يروح يعمل العملية.

وبالفعل بدأت حملة جديدة بصيغة اعلانات متوجه للنساء ، من عمر 25 سنة الي عمر 45 سنة، بس صاحب الشركة علشان استنذف فلوس كتير في الحملة اللي قبلها ، فكان قراره بعد محاولات اقناع كتير اني اعمل حملة لمدة 3 ايام بقيمة 500 ريال بس J .

اشتغلت الحملة الاعلانية من هنا وملاقيش حد بيعبر الفورم ويملي فيها بيانته ، ونسبة الـ CTR  عندي تكاد تكون منعدمه ، بس لقيت صاحب الشركة بيكلمني وبيقولي انه هيزود المزانية لان حصل عنده 6 كشوفات وتم من خلالهم حجز لعملية من الحملة الاعلانية دي  J  اللي لسه شغاله بقالها يومين.

 - النساء في الحملة الاخيرة مكنتش بتتفاعل مع الاعلان وبتضغط عليه وبتملي فورم علشان طبعاً مظهرها قدام صحابتها واصدقائها والكلام دا ، بس كانت بتاخد رقم التليفون وتتصل وتاخد جوزها يروح يحجز ويعمل الكشف.

كل دا كان طبيعي بالنسبالي وفرحت كتير من نفسي لما عملت الحملة الاعلانية التانيه واخترت الشريحة المستهدفة صح، لكن اللي مكنش طبيعي بالنسبالي هي اني لما غيرت تغيير طفيف في الحلمة الاعلانية وخليت ان عمر النساء من 20 سنة بدل ما كان من 25 سنة نسبة الـ ROI  ارتفعت بشكل ملحوظ، وصعقت اكتر من نسبة الـ ROI  انها وصلت للضعف تقريبا لما نزلت بالعمر من 20 الي 19 سنة ، والقرار الاخير دا اخدته بناء عن مقاله كنت قريتها عن نسبة ارتفاع زواج صغيرات السن في السعودية من رجال كبيرة في السن .

الخلاصة : لما تعمل حملة اعلانية للترويج لمنتج حدد الشريحة المستهدفة بعانيه بناء علي مين صاحب قرار الشراء مش بس مين المهتم بالمنتج بتاعك ، وان الـ CTR العالي مش هو اهم عوامل نجاح الحملة الاعلانية.

بالنسبالي في سنة 2010 مكنش في ادوات كتير تساعدني اعرف بيها اكتر عن طبيعة الشريحة المستهدفه لكن دلوقت في ادوات كتير تقدر تحلل بيها الشريحة المستهدفة قبل ما تبدأ حملتك الاعلانية واهم الادوات دي هي Google Display Planner .

من خلالها هتقدر تحدد كل ما يتعلق بالشريحة بتاعتك من حيث العمر والنوع والاهتمامات كمان انواع الاجهزة اللي بيستخدمها لتصفح الانترنت وخلافة من كل الامور اللي تقدر تستفيد بيها.

حل مشكلة نسبة الكتابة 20% في اعلانات الفيس بوك

مشكلة الاعلان في الفيس بوك التي تتطلب نسبة كتابة علي الصورة 20% هل لها حل ؟

جميع من يعمل في التسويق الالكتروني قد قام بعمل اعلان علي الفيس بوك ، ولكن حين نقوم بعمل تصميم للاعلان نضع في اعتبارنا ان نسبة الكتابة علي الصورة لابد وان لا تتعدي نسبة الـ 20% من حجم الصورة، وهذه قاعدة قد قام الفيس بوك بوضعها علي المعلنين.

 والحقيقة الغرض منها هو ان لا تكون الصورة مشوه بكثرة الكتابة عليها، وإظهار المنتج، ولكننا احيانا كثرة نريد ان تكون النسبة اكثر من ذلك ولو بنسبة بسيطة، ونضطر كثيرا لتغيير التصميم لتفادي هذه المشكلة حتي لا يقوم الفيس بوك برفض الاعلان.

ولكن هل لهذه المشكلة حل ويمكننا نحن كمسوقين الكترونين ان نقوم بعمل اعلان علي الفيس بوك بنسبة كتابة اكثر من 20% علي حجم الصورة ؟

ولكي يتضح الامر اكثر هذه صورة لاعلان ادكاديمة رابطة المستقبل نسبة الكتابة عليه 72% ، ويمكننا قياس ذلك من خلال هذه الاداة : https://www.facebook.com/ads/tools/text_overlay

كما نري ان هذه الصورة بها نسبة كتابة بها 72 % ولو تم عمل الاعلان بها سيتم رفض الاعلان من قبل الفيس بوك، ولكن في الحقيقة كان هناك طريقتين لحل هذه المشلكة ولكن مؤخراً تم تعديل طريقة منهم من قبل الفيس بوك وبدء برفض الصور التي عليها اكثر من 20% كتابة والطريقتين هم:

1-     الطريقة الاولي : عمل موضوع عادي علي الصفحة status  وعمل له Boost Post هذه الطريقة احياناً تعمل واحيانا اخري ترفض من قبل الفيس بوك، وبالرغم من ان هذه الطريقة قد تم تعديلها من قبل الفيس بوك، الا انها كان بها عيوب وهي ان الميزانيات محددة سلفاً من الفيس بوك ويمكنك اختيار منها، بالاضافة الي عدم تحديد الفئية المستهدفه تحدياً، وكنا نستخدم هذه الخاصية لعمل branding للشركة التي نقوم بعمل اعلان لها.

2-     الطريقة الثانية:  وهي التي لم يتعرف عليا الفيس بوك حتي الان، وستستمر فترة حتي يتم تعديل برمجيات الاعلان في الفيس بوك وهنا يكمن السبب والسر.

واليك الان الخطوات :

-          كلنا نعرف جيداً ان اهم المقاسات التي يعمل بها الاعلان في الفيس بوك هو مقاس 1200 عرض × 628 ارتفاع ، وهذا المقاس المثالي للاعلانات، حيث انه يظهر علي الجانب الايسر من الفيس بوك بصورة جيدة ويظهر ايضاً علي الجوالات بصورة جيدة.

-          عليك الان تصميم اعلانك علي هذه المقاسات ووضع الكتابة بالطريقة التي تروق لك، وبالنسبة التي تروق لك ، ولكن نصيحتي لك هي ان لا تبالغ في الكتابة علي الصورة حتي لا تضيع ملامحها في الكتابة، وحتي تصل الي مبتغاك من الاعلان.

-          وبعد ذلك اذهب الي برنامج اعداد الصور وليكن الـ photoshop  وقم بعمل صفحة جديدة بمقاسات 1200 عرض × 4000 ارتفاع ، وقم بوضع التصميم الخاص بالاعلان في منتصف هذه الصفحة، مثل ما في هذه الصورة.

بهذه الطريقة اصبحت الصورة الان لدي الفيس بوك بهذا الحجم، والبرامجيات الخاصة بالاعلان سوف تقوم بقراءة نسبة الكتابة علي الصورة كلها وفي هذه المقاسات تحديداً ستكون كل مساحة اعلانك الاصلي بنسبة 20% من حجم الصورة ككل، ويمكنك الان كتابة نسبة 100% علي الاعلان الاصلي الخاص بك، شاهدة هذه الصورة 

يتبقي ملاحظتين يجب وضعهم في الاعتبار:

   -  الاولي وهي ان هذا الاعلان لا يصلح الإ حين عمل اعلان لموقع خارج الفيس بوك او عمل اعلان لزيادة الاعجاب بالصفحة، ولا يصلح لعمل تفاعل علي الصفحة ، وهذا النوع من الاعلانات ينفع كثيراً مواقع التجارة الالكترونية والبيع والمواقع التي تبحث عن الزيارت وايضاً لعروض الـ CPA  لمن يعمل بها ، فهي كما ذكرت تصلح  حين عمل اعلان لموقع خارجي .

-          الثانية تعديل الصورة من الداخل التي تظهر للجمهور المستهدف ، شاهد الصور القادمة :

وبعد تعديل الصورة في المنتصف مبارك عليك الاعلان وتمتع بنسبة كتابة اكثر من 20% ،وهذه الصور هي لاعلان تتعدي نسبة الكتابة عليه اكثر من 20% شاهد هذه الصور

الامر في منتهي البساطة، ولكننا نحن حين يتم وضع مشكله امامنا لا ننظر لكيفية حلها، ولكن نستسلم للامر المفروض علينا ولابد علينا وان نتقبله، نصحتي لك، حين تقع في مشكله اوجد الحل بنفسك، قبل ان تتقبل الوضع المفروض عليك .
هذه الطريقة اعمل بها بعد اسبوع تقريبا من تحديد نسبة الـ 20% من الفيس بوك، والان وجدت ان الافصاح عليها سيفيد الكثير .

هنيئاً لك الكتابة علي الاعلان بنسبة 100% ، ولا انتظر منك غير دعوة في ظهر الغيب.